中學文憑試（DSE）昨日（21日）開考，相信不少考生都好緊張，MIRROR特別為應屆考生打氣，當中曾在DSE考獲最佳五科25分的成績的呂爵安（Edan），不惜貼出中六時的學生照，自嘲眼細，他留言：「我懷疑我中六冇乜精神」、「張張都抹（擘）唔大眼咁」。
同場加映：第41屆香港電影金像獎丨呂爵安粉絲安排遊艇成大會背景 蝦頭谷胸現身性感尺度贏林明禎
他之後再出post，上載數張8年前出席謝師宴的相片，穿上藍色西裝襯紅色煲呔、將頭髮向後梳的Edan，在台上表演唱歌。Edan留言表示：「送畀大家Grad Din安，嗰陣應該係2015年嘅7月，即係18歲wow，好青春呀，咁點解我會拎住支咪又七情上面咁呢？（表情管理完全fail），因為其實我係唱緊歌。我嗰陣係表演嘉賓（應該係因為中六拎咗Sing Con冠軍，笑死），仲要係唱周杰倫嘅《開不了口》（個MMO仲要係自己剪自己降key），真係都幾癲吓，如果有片睇返就正了。DSE嘅同學，加油呀！捱過咗就可以好似上面呢位先生咁一身輕㗎啦，同埋個人都會精神啲，靚啲同埋有型啲㗎！（因為考完就會得閒就可以學下化妝）」。他還hashtag「有人送花㗎幾威」、「嗰陣一考完即刻去釘耳窿」、「幾MK」、「隻眼長期擘唔開咁」、「擘擘擘」、「個樣炒哂車」。
小如豬視哥哥Edan為榜樣考入港大 料入讀牙醫課程做許廷鏗師妹【下一頁】
至於姜濤雖然在台灣工作，但他仍不忘為考生打氣，特別在IG限時動態留言：「對了，也祝DSE考生一切順利，無論結果如何，盡力就好，不要怕失敗。我從小唸書就不好，沒有經歷過DSE，可能體會不到你們的心情，但我也跌倒過，我知道失敗不可怕，重要的是，你有沒有爬起來的勇氣。」
炎明熹Gigi重返校園獲頒音樂優異獎 明年考DSE想入大學讀咩學系？【下一頁】
MIRROR的Fan Club官網亦上載12子為考生打氣的說話，Alton（王智德）說：「唔好畀太大壓力自己，記住最緊要過程盡力就得，我哋MIRROR同你打氣，加油加油！」Anson Kong（江𤒹生）說：「DSE，我就冇乜經驗喇，所以我就唔可以畀你哋太多意見，但我有經過公開考試，我覺得呢段時間，大家盡力發揮喺學校所學嘅嘢，好好溫書，準備充足，無論結果係點都唔緊要，條條大路通羅馬，都係會去到你想去嘅地方，堅持自己夢想。」Anson Lo（盧瀚霆）說：「每個人要繼續努力，唔好放棄，即使成績好或壞，一定有前景出路，最緊要搵自己鍾意做嘅事。」 Edan說：「希望大家盡自己能力，溫好書，畀心機，始終學習同知識都重要，如果唔係周不時會畀知識鞭打，好慘呀。學多啲嘢都係好，擴闊視野同眼界，但盡力而為，人生唔一定得一條路。」Frankie（陳瑞輝）說：「送畀DSE朋友仔，腦洞大開，旗開得勝。」Ian（陳卓賢）說：「各位DSE考生，雖然話唔好太大壓力，但都會好大壓力嘅，但我覺得呢個只係大家漫長人生中，一個small step、一個small stage，我覺得盡力就好，無愧於心就好。」Jer（柳應廷）說：「各位DSE朋友，我覺得考唔考到都好，我覺得你哋已盡咗最大努力，我覺得條條大路通羅馬，若本身讀書唔叻，你本身都可以發掘多啲自己想做嘅興趣，將來一定會喺你自己想做行業發光發亮。」Jeremy（李駿傑）說：「希望今屆DSE考生，唔好咁緊張，大家平時準備都應該足夠，唔好畀自己太大壓力，考試只係人生當中其中一步，無論結果好與壞，都繼續努力，搵番自己想行嘅方向，唔好因為成績差或成績好，而令自己身體及心情變差。」姜濤說：「你哋每個考DSE朋友都加油努力。」Stanley（邱士縉）說：「希望各同學仔放鬆心情，雖然都係廢話，不過唔緊要，enjoy個緊張，緊張時刻唔係時常有，我過咗就冇，所以你過咗之後就唔會緊張喇，加油！」Tiger（邱傲然）說：「DSE考生，加油。」Lokman（楊樂文）說：「各位DSE同學仔，唔需要緊張，只要盡咗力就ok。」
DSE放榜丨Edan安排妹妹去迪士尼放鬆心情 小如豬考獲3科5** 33分列全校第三【下一頁】
此外，ERROR成員肥仔（梁業）亦有post學生相，樣子跟現在沒有太大的差別。肥仔留言為考生打氣：「考DSE係辛苦嘅，見你哋咁攰畀你哋笑吓囉！像素係差啲，將就吓啦！」
撰文：黃曉妍
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】